महेश सिंह लहान सिरहा –सिरहाको कुम्बीखाडीमा नेपाल पुस्तक तथा स्टेशनरी व्यवसाय संघको ८औं वार्षिक अधिवेशन भव्य रूपमा सम्पन्न भएको छ। अधिवेशनमा संघका नयाँ पदाधिकारीहरू चयन गरिएको जानकारी संघका सदस्य सन्तोष साहले दिएका छन्।
कार्यक्रममा जिल्लाभरिका पुस्तक तथा स्टेशनरी व्यवसायीहरूको उल्लेखनीय उपस्थितिमा संघका आगामी योजनाहरू, व्यवसाय प्रवर्द्धन, सदस्य हितका कार्यक्रम र सहकार्यका विषयमा छलफल भएको थियो। नयाँ नेतृत्वले संघको गतिविधिलाई अझ प्रभावकारी बनाउँदै व्यवसायीहरूबीच संगठनात्मक एकता र सहकार्य मजबुत बनाउने प्रतिबद्धता व्यक्त गरेको छ।
सन्तोष साहले बताए अनुसार नयाँ पदाधिकारीहरूले आगामी दिनमा सदस्यहरूको हित सुनिश्चित गर्न र व्यवसायिक वातावरण सुधार्न विविध कार्यक्रम सञ्चालन गर्ने योजना बनाएका छन्।
Discussion about this post