महेश सिंह लहान सिरहा – मधेस प्रदेश प्रमुख नवराज चौधरीको प्रमुख आतिथ्यमा लहान, राजविराज तथा बोदेबर्साइनका कर्मचारी र अभिकर्ताबीच आगामी योजनालाई लक्षित विशेष रणनीतिक छलफल सम्पन्न गरिएको छ।
लहान शाखामा आयोजित कार्यक्रममा प्रदेशस्तरीय संरचना, सेवा प्रवाहको गुणस्तर सुधार, अभिकर्ताको कार्यसञ्चालन, ग्राहकमैत्री सेवाको विस्तार र आगामी वर्षका प्राथमिकताबारे विस्तृत चर्चा गरिएको थियो।
कार्यक्रमबारे लहान शाखाका प्रबन्धक उपेन्द्र नारायण महतोले जानकारी दिँदै कर्मचारी तथा अभिकर्ताबीचको समन्वयलाई अझ बलियो बनाउने उद्देश्यसहित छलफल गरिएको बताए।
उनका अनुसार आगामी कार्ययोजनालाई प्रभावकारी बनाउन विभिन्न शाखाको अनुभव, समस्या र समाधानका उपायहरू आदान–प्रदान गरिएको छ। कार्यक्रममा तीनै शाखाका प्रतिनिधि, अभिकर्ता तथा सम्बन्धित कर्मचारीहरूको सक्रिय सहभागिता रहेको आयोजकले बताएको छ।
Discussion about this post