महेश सिंह सिरहा लहान-जनता समाजवादी पार्टी (जसपा) नेपाल, सिरहा क्षेत्र नं. १ ले आसन्न संघ तथा प्रदेश निर्वाचनलाई लक्ष्य बनाएर एकीकृत रणनीति सार्वजनिक गरेको छ। १३ मंसिरमा लहानस्थित कुशवाहा धर्मशालामा सम्पन्न विशेष बैठकले पार्टीको संगठन–प्रवाहदेखि मतदाता पहुँचसम्मका विषयमा ठोस खाका तय गरेको हो।
बैठकमा सहभागी केन्द्रीय तथा प्रदेश नेताहरूले संगठनलाई वडा तहमै सक्रिय बनाउने, मतदाता समूहअनुसार लक्षित अभियान सञ्चालन गर्ने र पार्टीको मूल विचार–धारा वाइड–रिचमार्फत जनस्तरमा पुर्याउने रणनीति प्रस्तुत गरे।
कार्यक्रमका प्रमुख अतिथि तथा जसपा नेपालका केन्द्रीय कार्यकारिणी सदस्य/प्रदेश सभा सदस्य राजु गुप्ता, प्रदेश सभा सदस्य ललिता विद्रो, केन्द्र सदस्य सत्यनारायण यादव, जिल्ला अध्यक्ष अशोक यादव, लहान नगर अध्यक्ष रामउदगार महतो, जिल्ला समन्वय समिति प्रमुख दिनेश महतो, तथा विभिन्न वडा–तहका प्रतिनिधिहरूको उल्लेखनीय उपस्थिति रहेको थियो।
वडा–वडामा संगठन विस्तारको गति तीव्र बनाइने
युवा, महिला, फरक–समुदायका मतदाता समूहसँग प्रत्यक्ष प्रबन्धन घर–घर अभियानमार्फत जसपाको सामाजिक न्याय, समावेशी लोकतन्त्र र समानताको सन्देश सशक्त रूपमा फैलाइने
निर्वाचन व्यवस्थापन र जनसम्पर्क अभियानलाई एकीकृत मोडमा अघि बढाइने नेताहरूका अनुसार यी रणनीतिहरूले जसपालाई आगामी निर्वाचनमा सबैभन्दा संगठित र प्रभावकारी विकल्पका रूपमा स्थापित गर्ने आधार तयार गर्नेछन्। बैठकमा सहभागीहरूले एकीकृत अभियानलाई सफल बनाउन आ–आफ्नो भूमिकामा जिम्मेवारीपूर्वक खटिने प्रतिवद्धता व्यक्त गरे।
Discussion about this post