महेश सिंह लहान सिरहा- “रक्तदान जीवनदान” भन्ने मूल नारालाई आत्मसाथ गर्दै न्यू शिव शक्ति फार्मेसी प्रा.लि., मिर्चैयाद्वारा आयोजित बृहत रक्तदान कार्यक्रम उत्साहपूर्ण वातावरणमा सम्पन्न भएको छ।
समुदायमा सहज, समयमै र सुरक्षित रक्त उपलब्ध गराउने दीर्घकालीन उद्देश्यसहित गरिएको उक्त रक्तदान कार्यक्रममा स्थानीय युवादेखि समाजका विभिन्न क्षेत्रमा सक्रिय व्यक्तिहरूको उल्लेखनीय सहभागिता रहेको आयोजकले जनाएको छ।
कार्यक्रमबारे जानकारी दिँदै लहान शाखाका प्रबन्धक इन्चार्ज प्रदीप मनिष यादवले स्वेच्छाले रक्तदान गर्ने सम्पूर्ण महान् स्वयंसेवी रक्तदाताप्रति हार्दिक धन्यवाद तथा विश्वास व्यक्त गरे। उनले यस्तो सामाजिक र मानवसेवामूलक अभियानलाई निरन्तरता दिने प्रतिवद्धता पनि व्यक्त गरे। आयोजकका अनुसार नियमित रक्तदान संस्कृतिको विकास तथा समुदायमा स्वास्थ्य सहकार्य सुदृढ गर्न यस्ता कार्यक्रम आगामी दिनमा पनि निरन्तर रूपमा सञ्चालन गरिनेछ।
Discussion about this post