महेश सिंह लहान सिरहा – लैंगिक हिंसा विरुद्धको १६ दिने अभियानको अवसरमा २९ नोभेम्बर ‘अन्तर्राष्ट्रिय महिला मानवअधिकार रक्षक दिवस’का अवसरमा सिरहा जिल्ला महिला मानवअधिकार रक्षकहरू आफ्नो सेल्फ–केयर सत्र, वार्षिक साधारण सभा तथा अधिवेशनको तयारीमा जुटेका छन्।
तयारीका गतिविधिबारे जानकारी दिँदै गंगा अधिकारीले वर्षभरिका गतिविधिको समीक्षा, आगामी कार्ययोजना, संगठन सुदृढीकरण, महिला सुरक्षा–संरक्षणका मुद्दा र आत्म–सशक्तीकरण कार्यक्रमलाई प्राथमिकता दिइएको बताइन्।
अधिकारीका अनुसार अधिवेशन र साधारण सभाले महिला मानवअधिकार रक्षकहरूबीच समन्वय, मनो–सामाजिक बल, नेतृत्व विकास तथा लैंगिक हिंसा रोकथाम अभियानलाई थप प्रभावकारी बनाउने लक्ष्य राखिएको छ।
१६ दिने अभियान अन्तर्गत सिरहाका विभिन्न स्थानीय तहमा सचेतना, अधिकार प्रवद्र्धन, पीडित सहयोग तथा समुदायस्तरका कार्यक्रम पनि समानान्तर रूपमा सञ्चालन भइरहेका छन्।
Discussion about this post