महेश सिंह लहान सिरहा – कृषि तथा पशुपन्छी विकास मन्त्रालयअन्तर्गत व्यावसायिक किट विकास केन्द्र, हरिहरभवन, ललितपुरद्वारा सञ्चालित १५ दिने ‘च्याउ उत्पादन, प्रशोधन तथा बजारीकरणसम्बन्धी प्रशिक्षक प्रशिक्षण (TOT)’ तालिम सोमबार रेशम विकास केन्द्र, खोपासीमा सम्पन्न भएको छ।
मिति २०८२ असोज २८ देखि मंसिर १२ गतेसम्म चलेको यस तालिममा देशभरका विभिन्न जिल्लाबाट आएका अधिकृतस्तरका कर्मचारीले सहभागिता जनाएका थिए। प्रशिक्षणमा च्याउ उत्पादनका प्रविधि, रोग व्यवस्थापन, प्रशोधन सीप, बजार पहुँच, मूल्य श्रृंखला विकास तथा उद्यमशीलता कौशलजस्ता विषयमा विस्तृत अध्ययन–अभ्यास गराइएको थियो।
समापन सत्रमा सहभागीहरूले कृषि क्षेत्रमा च्याउ आधारित उद्यम विकास, प्रशिक्षक स्तरका जनशक्ति उत्पादन, र स्थानीय तहमा सीप हस्तान्तरणको प्रभावकारी रणनीतिबारे अनुभव आदान–प्रदान गरे। सहभागी लेखनाथ सिंहका अनुसार तालिमलाई सफल बनाउन सहकार्य गर्ने सम्पूर्ण कर्मचारी, सर–म्याडम र सहभागीहरू प्रति विशेष धन्यवाद व्यक्त गरिएको छ।
आयोजक संस्थाले आगामी दिनमा व्यावसायिक च्याउ उत्पादनलाई आधुनिक प्रविधिसहित विस्तार गर्दै स्थानीयस्तरमा रोजगारी र आम्दानी वृद्धि गर्ने लक्ष्य पनि व्यक्त गरेको छ।
Discussion about this post