महेश सिंह लहान सिरहा- जनता समाजवादी पार्टी (जसपा) नेपालको केन्द्रीय प्रशिक्षण विभागद्वारा आयोजित तीनदिने प्रदेश स्तरीय प्रशिक्षण कार्यक्रम सोमबार सम्पन्न भएको छ।
समापन समारोहमा जसपा नेपालका केन्द्रीय अध्यक्ष उपेन्द्र यादवले सहभागीहरूलाई प्रमाणपत्र वितरण गरेका थिए। प्रशिक्षणको अन्तिम सत्रमा अध्यक्ष यादवले ‘संघीयताको आर्किटेक्चर’ विषयमा विशेष प्रस्तुति दिँदै पार्टीको वैचारिक स्पष्टता, संगठनात्मक सुदृढता तथा तीन तहको शासन संरचनामा जनप्रतिनिधिको भूमिकाबारे मार्गदर्शन गरेका थिए।
कार्यक्रममा जसपाका शीर्ष नेता, प्रदेशस्तरका पदाधिकारी, प्रशिक्षक तथा युवा–महिला संरचनाका प्रतिनिधिहरूको उल्लेख्य उपस्थिति रहेको आयोजकले जनाएको छ।
समापन कार्यक्रममा पूर्व मन्त्री तथा पार्टीका केन्द्रीय सचिव सुरेश मण्डलको पनि सक्रिय सहभागिता थियो। आयोजकका अनुसार प्रशिक्षणले प्रदेशभरिका कार्यकर्तामा नीति–कार्ययोजना, संगठन व्यवस्थापन र नेतृत्व क्षमतामा थप आत्मविश्वास जगाएको छ।कार्यक्रम सफलतापूर्वक सम्पन्न भएको भन्दै आयोजकले सहभागी एवं सहयोगी सबैप्रति धन्यवाद व्यक्त गरेका छन्।
Discussion about this post