सखुवानन्कारकट्टी–२ मा विवाह पंचमी मेलामा: कुस्ती प्रतियोगिता दर्शनको उत्साह

महेश सिंह लहान सिरहा- सखुवानन्कारकट्टी गाउँपालिका–२ पटना र लतियाहीको बीच कटनिया नदी किनारमा आयोजना गरिएको विवाह पंचमी मेला महोत्सव उत्साहपूर्ण रूपमा सम्पन्न भएको छ।

महोत्सवअन्तर्गत आयोजित कुस्ती प्रतियोगिताको रिबन काटेर नेपाली कांग्रेसका जिल्ला सभापति रामचन्द्र यादवले उद्घाटन गरेका थिए। उद्घाटन कार्यक्रम वडा अध्यक्ष तनुक लाल यादवको अध्यक्षतामा सम्पन्न भएको थियो।

दुई दिनसम्म सञ्चालन भएको मेलामा कुस्ती हेर्न हजारौँ दर्शकहरूको उत्साहपूर्ण उपस्थिति थियो। स्थानीय युवादेखि समुदायका बृद्ध–बृद्धा समेतको भीडले नदी किनारको वातावरण उत्सवमय बनेको थियो।
आयोजकका अनुसार विवाह पंचमी मेलाले स्थानीय संस्कृतिको संरक्षण, खेलकुदको प्रवर्द्धन र समुदायबीचको ऐक्यबद्धता मजबुत बनाउन महत्वपूर्ण भूमिका खेलेको छ।