महेश सिंह लहान सिरहा –सिरहाको मिर्चैया नगरपालिका–८, मझौवास्थित निर्माणाधीन सेप्टिक ट्यांकीमा काम गर्ने क्रममा भित्री ग्यास र अक्सिजनको कमीका कारण तीन मजदुर एकपछि अर्को गर्दै बेहोस हुने घटना भएको छ। सुरक्षित कार्यविधि पालना नभएकै कारण दुर्घटना घटीएको प्रारम्भिक अनुमान छ।
ट्यांकीभित्र सेटिङ खोल्ने जिम्मामा रहेका ३३ वर्षीय राकेश राय पहिलो पटक बेहोस भएपछि उनलाई उद्धार गर्न पुगेका दिपन राय र मिथलेश्वर राय पनि त्यही अवस्था दोहोरिन पुग्यो। भित्री ग्यासको उच्च असर र काम गर्ने ठाउँमा हावाको अभावले उनीहरू सबै ट्यांकीमै फसिएका थिए।
घटनापछि स्थानीय बासिन्दाले तत्काल उद्धारसमेत गरी तिनै जनालाई मिर्चैया–७ स्थित मनकामना मिड ईस्टर्न अस्पताल पुर्याए। अस्पतालका अनुसार राकेश राय र दिपन रायको उपचार जारी छ भने मिथलेश्वर रायको अवस्था सामान्य भई डिस्चार्ज गरिएको छ।स्थानीयले निर्माण कार्यमा आवश्यक सावधानी, भेन्टिलेसन र सुरक्षा उपकरणको अभावप्रति असन्तुष्टि व्यक्त गरेका छन्।
Discussion about this post