महेश सिंह सिरहा- लहान ६ बस्ने सिटी रिक्सा चालक सुनिल सहनी दुवै मिर्गौला (किड्नी) फेल भएपछि गम्भीर अवस्थामा उपचार गराइरहेका छन्। आर्थिक अभावका कारण उपचार निरन्तरता दिन कठिनाइ भएको भन्दै परिवार र स्थानीय समुदायले सहयोगका लागि सार्वजनिक अपिल गरेका छन्।
सुनिलको स्वास्थ्य अवस्था बिग्रँदै गएपछि उच्चदरको उपचार आवश्यक भएको, तर आर्थिक स्रोत न्यून भएकाले समाजका मनकारी हातहरूबाट सहयोग अपेक्षा गरिएको परिवारले जनाएको छ। इच्छुक व्यक्तिहरूले ९८४२८४२७२० नम्बरमा सम्पर्क गर्न सक्ने र भिडियोमा उपलब्ध ई–सेवा QR मार्फत सहयोग पठाउन सकिने व्यवस्था गरिएको छ।
सुनिलको अवस्थाबारे जानकारी पाएपछि लहान–६ का प्रत्यासी वडा अध्यक्ष तथा समाजसेवी बैजनाथ साहले ११ हजार रूपैयाँ आर्थिक सहयोग प्रदान गरेका छन्। साथै स्थानीय मनकारीहरू, व्यवसायी, चालक साथीहरू तथा विभिन्न समुदायका व्यक्तिहरूले पनि आ–आफ्नो क्षमताअनुसार सहयोग गर्न थालेका छन्।
सामाजिक क्षेत्रमा निरन्तर सक्रिय सहनी आर्थिक रूपमा कमजोर पृष्टभूमिबाट आएका कारण, नियमित डायलाइसिस तथा उपचार खर्च जुटाउन कठिन बनेको परिप्रेक्ष्यमा उनको जीवनरक्षाका लागि सानै सहयोग पनि ठूलो योगदान हुने परिवारले अपिल गरेको छ।
स्थानीयवासीले सुनिल सहनीको उपचारका लागि एकीकृत अभियान चलाउँदै समुदायलाई मानवीय भावनासहित साथ दिन आग्रह गरेका छन्।
Discussion about this post