लायनवाद’को नारासहित एकताको सन्देश

महेश सिंह लहान सिरहा- लायन्स क्लब अफ लहान फुलबारीको आयोजनामा जिल्ला गभर्नरको दोस्रो सल्लाहकार समिति बैठक भव्य रूपमा सम्पन्न भएको छ। कार्यक्रममा क्लबका पदाधिकारी, पूर्व अध्यक्षहरू तथा विभिन्न लायन्स नेताहरूको उल्लेखनीय उपस्थिति रहेको थियो।

बैठकलाई सफलतापूर्वक सम्पन्न गराउन सहयोग पुर्‍याउने जिल्ला अफिसर लायन चक्रपाणि दाहाल, लायन धर्मधर अधिकारी, लायन मनोज झा, लायन्स क्लब अफ लहान फुलबारीका तत्काल पूर्व अध्यक्ष लायन शंकर प्रसाद गुप्ता, लायन श्यामसुन्दर साह, लायन मनीष सरडा, लायन शिवदयाल महतो लगायतका सम्पूर्ण लायन्स लिडरहरूप्रति विशेष धन्यवाद व्यक्त गरिएको छ।

बैठकमा आगामी दिनमा सञ्चालन हुने सामाजिक सेवा कार्यक्रम, क्लबहरूबीचको समन्वय तथा लायनवादको प्रभावकारी कार्यान्वयनबारे विस्तृत छलफल गरिएको थियो। सहभागीहरूले “हामी सेवा गर्छौं” भन्ने लायनवादको मूलमन्त्रलाई अझ सशक्त रूपमा अघि बढाउने प्रतिबद्धता जनाएका छन्।