मधेश खेलकुद परिषद्को प्रथम वार्षिकोत्सव लहानमा धुमधामसहित सम्पन्न

महेश सिंह लहान – मधेश खेलकुद परिषद्को प्रथम वार्षिकोत्सवको अवसरमा लहानका कराते, तेक्वान्दो, क्रिकेट, कबड्डी तथा भलिबलका खेलाडी र प्रशिक्षकहरूले नगरपरिक्रमा गर्दै दीप प्रज्वलनसहित भव्य रुपमा कार्यक्रम सम्पन्न गरेको छ।

कार्यक्रममा मधेश खेलकुद परिषद्का सदस्य निषेष श्रेष्ठ तथा जिल्ला अध्यक्ष श्रवण ठकुरीको विशेष उपस्थिति रहेको थियो। विभिन्न खेल विधामा सक्रिय खेलाडी तथा प्रशिक्षकहरूको सहभागिताले नगर परिक्रमा झनै आकर्षक बनेको आयोजकले जनाएको छ। उक्त कार्यक्रमको विस्तृत जानकारी खेलकुद प्रशिक्षक राजेश गुप्ताले दिनुभयो।