महेश सिंह लहान- जेनजी आन्दोलनपछि बनेको अन्तरिम सरकारका युवा तथा खेलकुद मन्त्री बब्लु गुप्तालाई सिरहाको लहानस्थित लोटस युनिक एकेडेमीले विशेष समारोहबीच सम्मान गरेको छ।
विद्यालयका संस्थापक तथा प्रिन्सिपल लक्ष्मण चौधरीले मन्त्री गुप्तालाई दोसल्ला ओढाई र प्रशंसा पत्र प्रदान गरी सम्मान गरेका हुन्। कार्यक्रममा बोल्दै चौधरीले गुप्ताको सफल कार्यकालको शुभकामना व्यक्त गर्दै युवाहरूको आकांक्षा पूरा गर्न सक्षम नेतृत्वको अपेक्षा व्यक्त गरे।
मन्त्री गुप्ताले सम्मानका लागि धन्यवाद ज्ञापन गर्दै युवाहरूको चाहना अनुसार काम गर्ने प्रतिबद्धता जनाए। उनले भने, “देशका युवाहरूमा आशा जगाउने काममा जुट्नेछु, उनीहरूको सपनालाई साकार पार्ने दिशामा सक्दो प्रयास गर्नेछु।”
गुप्ता सिरहाको लहान निवासी हुन्। जेनजी आन्दोलनमा सक्रिय भूमिका निभाएपछि उनी अन्तरिम मन्त्रिपरिषद्मा युवा तथा खेलकुद मन्त्रीको जिम्मेवारी सम्हालेका हुन्। कार्यक्रममा स्थानीय सरोकारवाला, शिक्षाकर्मी र विद्यार्थीहरूको उपस्थिति रहेको थियो।
Discussion about this post