महेश सिंह लहान –जनता समाजवादी पार्टी (जसपा), नेपालको केन्द्रीय समिति बैठकमा अध्यक्ष उपेन्द्र यादवले प्रस्तुत गर्नुभएको राजनीतिक तथा संगठनात्मक प्रतिवेदनमाथि विस्तृत छलफल भएको छ।
बैठकमा पाँचौं समूहका टोली नेताको नेतृत्वमा सामूहिक सुझावहरू प्रस्तुत गरिएका छन्। ती सुझावहरूमा पार्टीको नीति, संगठन सुदृढीकरण, नेतृत्वको भूमिकालगायतका विषय समेटिएका छन्।
अध्यक्ष यादवले आफ्नो प्रतिवेदनमार्फत वर्तमान राजनीतिक परिदृश्य, संघीयता कार्यान्वयनका चुनौतीहरू, पार्टीभित्रको एकता र जनतामाझको सन्देशलाई प्रभावकारी बनाउनुपर्ने आवश्यकता औंल्याउनुभएको थियो।
बैठकमा सहभागी नेताहरूले पार्टीलाई जनतामुखी, संगठनात्मक रूपमा मजबुत र नीति–कार्यक्रममा स्पष्टता ल्याउनुपर्ने सुझाव दिएका छन्।
बैठक ‘जय मातृभूमि, संघीय अभिवादन’ नारासहित सम्पन्न भएको थियो। जसपाको आगामी राजनीतिक दिशानिर्देशनका लागि यस बैठकलाई महत्वपूर्ण मानिएको छ।
Discussion about this post