महेश सिंह सिरहा – जेन–जि अभियानलाई गाउँ–गाउँमा सशक्त बनाउने उद्देश्यका साथ लक्ष्मीपुर पतारी गाउँपालिका–५ (पथलगाडा) मा अध्यक्ष चन्द्रशेखर यादवको नेतृत्वमा जेन–जि वडा भेला सम्पन्न भएको छ।
जेन–जि लक्ष्मीपुर पतारी गाउँपालिका समितिका अध्यक्षसमेत रहेका यादवको अध्यक्षतामा सम्पन्न भेलाले संगठन सुदृढीकरण, युवा सहभागिता र सामाजिक रूपान्तरणका विषयमा गहन छलफल गरेको थियो। भेलाबाट नन्दन यादवलाई वडा जेन–जि समितिको अध्यक्ष, सँजित दासलाई उपाध्यक्ष र घनश्याम यादवलाई सचिव चयन गर्दै १७ सदस्यीय समिति गठन गरिएको हो।
कार्यक्रममा अध्यक्ष यादवले जेन–जि अभियान युवाहरूको स्वाभिमान, नेतृत्व र संगठनिक एकताको प्रतीक भएको बताउँदै गाउँस्तरमा सचेतना, संगठन विस्तार र जिम्मेवार नेतृत्व निर्माणमा समिति सक्रिय रहने विश्वास व्यक्त गरे।
उनका अनुसार, नयाँ टिमले गाउँका युवालाई एकत्रित गर्दै सामाजिक विकास, समान अवसर र सकारात्मक परिवर्तनतर्फ अघि बढाउने लक्ष्य लिएको छ।
Discussion about this post