महेश सिंह लहान सिरहा — सिरहाको नवराजपुर गाउँपालिका–१ तामासुईयामा नेपाली कांग्रेसको शुभकामना आदान–प्रदान कार्यक्रम सम्पन्न भएको छ।
जिल्ला सभापति रामचन्द्र यादवको प्रमुख आतिथ्यतामा सम्पन्न कार्यक्रममा स्थानीय नेता तथा कार्यकर्ताहरूको उल्लेखनीय उपस्थिति रहेको थियो।
कार्यक्रममा गाउँपालिकाका पूर्व अध्यक्ष विश्वमोहन यादव, वरिष्ठ समाजसेवी जयकिशोर यादव, पार्टी नेता मदन यादव, सोभा यादव, सैलेन्द्र यादव, जिबछ यादव, तथा नेपाल विद्यार्थी संघ सिरहा सभापति पप्पु यादव लगायतका नेताहरूले चाडपर्वलाई लक्षित गर्दै आपसी शुभकामना आदान–प्रदान गरेका थिए।
समाजसेवी जयकिशोर यादवले राजनीतिक स्वार्थभन्दा माथि उठेर समाजसेवामुखी राजनीति गर्नुपर्ने आवश्यकता औंल्याउँदै, “घृणित राजनीतिले समाज बिगार्दै लगेको छ,” भनेका थिए। उनले आफू सधैं समाजसेवामा समर्पित रहने प्रतिबद्धता जनाए।
त्यसैगरी प्रमुख अतिथि रामचन्द्र यादवले देशलाई सही दिशातर्फ डोर्याउने क्षमता नेपाली कांग्रेसमै रहेको उल्लेख गर्दै पार्टीलाई अझ सुदृढ र जनमुखी बनाउन सबै एकजुट हुनुपर्ने बताए।
कार्यक्रम बृहत रूपमा सम्पन्न भएको र त्यसमा स्थानीय तहका जनप्रतिनिधि, सामाजिक अगुवा र विभिन्न तहमाथिका कार्यकर्ताहरूको सक्रिय सहभागिता रहेको आयोजकहरूले जनाएका छन्।
Discussion about this post