महेश सिंह लहान,सिरहा –पतञ्जलि योग समिति नेपाल, लहानको आयोजनामा पाँच दिवसीय “पंचकर्म संखपरिचालन एनिमा शिविर” लहान–४ स्थित योग भवनमा सम्पन्न भएको छ।
शिविरमा सहभागीहरूलाई आयुर्वेदिक पद्धतिबाट शरीर शुद्धिकरण, रोग प्रतिरोधात्मक क्षमता वृद्धि र प्राकृतिक उपचारका विधिहरू सिकाइएका थिए। अनुभवी योग प्रशिक्षक र आयुर्वेद चिकित्सकहरूको प्रत्यक्ष मार्गदर्शनमा सहभागीहरूले विभिन्न योगासन, प्राणायाम, ध्यान तथा एनिमा प्रक्रियामा सहभागिता जनाएका थिए।
कार्यक्रमबारे जानकारी दिँदै पतञ्जलि योग समिति नेपाल, लहानका संयोजक शंकरप्रसाद गुप्ताले यस्तो शिविरले समाजमा योग र प्राकृतिक उपचारप्रति जागरूकता फैलाउन ठूलो योगदान पुर्याउने बताएका थिए। उनले स्वस्थ शरीर र सकारात्मक सोचका लागि योगलाई दैनिक जीवनको अभिन्न अङ्ग बनाउन सबैलाई आग्रह गरे।
समापन समारोहमा समितिका पदाधिकारीहरूले निरन्तर यस्ता स्वास्थ्यमूलक कार्यक्रम सञ्चालन गर्दै समाजमा निरोगी जीवनशैली प्रवर्द्धन गर्ने प्रतिबद्धता व्यक्त गरेका थिए।
Discussion about this post