लहान सिटी जेसीजको क्रिकेट प्रतियोगितामा सोभापुर युवा क्लबले जित्यो उपाधि

महेश सिंह लहान सिरहा — लहान सिटी जेसीजको आयोजना र राजदेवी टेन्ट एण्ड स्वीट साउण्डको सहयोगमा सञ्चालन गरिएको १५ दिने क्रिकेट प्रतियोगिता सम्पन्न भएको छ। प्रतियोगिताको उपाधि सोभापुर युवा क्लबले जितेको छ भने बसाजोडी क्रिकेट युवा क्लब उपविजेता बनेको छ।

समापन समारोह लहान सिटी जेसीज वर्ष २०२५ का उपाध्यक्ष जेसी नागेश्वर महतोको अगुवाइमा सम्पन्न भएको हो। समारोहमा विजेता तथा उपविजेता टोलीलाई सिल, ट्रफी, प्रमाणपत्र र जर्सी वितरण गरिएको थियो।

कार्यक्रममा लहान सिटी जेसीजका पदाधिकारी, पूर्व अध्यक्षहरू तथा लहान नगरपालिका–१८ का प्रतिनिधिहरूको उपस्थिति रहेको थियो।
समापन अवसरमा आयोजक संस्थाले सम्पूर्ण सहभागी टोली,अतिथि प्रायोजक,स्वयंसेवक तथा दर्शकहरूप्रति आभार प्रकट गरेको छ।