गोलबजारमा किशोरकिशोरीहरुको सहभागितामा विश्व शान्ति दिवस मनायो

महेश सिंह सिरहा-२६ औं विश्व शान्ति दिवस २०२५ को अवसरमा आइतबार सिरहाको गोलबजारस्थित श्री जनता माध्यमिक विद्यालयका किशोरकिशोरीहरुको सक्रिय सहभागितामा विभिन्न कार्यक्रम सम्पन्न भएका छन्।
कार्यक्रम अन्तर्गत सामाजिक सञ्जालमार्फत हुने द्वन्द्व र द्वन्द्व रूपान्तरणमा हाम्रो भूमिकाबारे अभिमुखीकरण गरिएको थियो। सो अवसरमा वाल क्लब र किशोरी समूहका सदस्यहरुले बजार परिक्रमा गर्दै मुख्य चौकमा कोणसभामा परिणत हुनेगरी शान्तिदीप प्रज्वलन गरेका थिए।
मुक्ति नेपालको आयोजनामा सम्पन्न उक्त कार्यक्रममा उल्लेखनीय सहभागिता रहेको आयोजकले जनाएको छ। कार्यक्रमले युवाहरुलाई शान्ति स्थापना र सामाजिक सद्भाव प्रवर्द्धनमा जागरुक बनाउन टेवा पुर्‍याएको बताइएको छ।