दशैंको अवसरमा जनता माध्यमिक विद्यालयमा वादविवाद प्रतियोगिता

महेश सिंह लहान –सिरहाको बेतहा भवानीपुरस्थित जनता माध्यमिक विद्यालयको प्राङ्गणमा दशैंको शुभ अवसर पारेर “सामाजिक सञ्जाल वरदान कि अभिशाप ?” भन्ने विषयमा वादविवाद प्रतियोगिता सम्पन्न भएको छ। कार्यक्रममा विद्यालयका शिक्षक तथा कर्मचारीहरूले विद्यार्थीलाई शुभकामना दिएका थिए।
प्रतियोगितामा विद्यार्थी वक्ताहरूले सामाजिक सञ्जालका सकारात्मक तथा नकारात्मक पक्षबारे आफ्ना विचार प्रस्तुत गरेका थिए। उत्कृष्ट प्रदर्शन गर्ने विद्यार्थीलाई गुरु–गुरुआमाबाट शैक्षिक सामग्रीसहित पुरस्कार प्रदान गरिएको थियो।
विजयी हुनेमा कक्षा १० की लक्ष्मी मण्डल प्रथम, कक्षा ९ की अञ्जु पासमान दोस्रो, कक्षा १० की अनुष्का चौधरी तेस्रो, कक्षा १० का अनुराग मण्डल चौथो र सोही कक्षाका शौरभ साह पाँचौं बने।
त्यस्तै कक्षा ९ की प्रीति यादव, कक्षा १० का इनकुमार साह र कक्षा ८ का मो. मफिजले सान्त्वना पुरस्कार प्राप्त गरे।
कार्यक्रमको अन्त्यमा चियापान तथा फोटो सेसन गरिएको विद्यालयले जनाएको छ।
जानकारी अनुसार, प्रतियोगिता तथा कार्यक्रमबारे विद्यालयका प्रधानाध्यापक रामबिलास यादवले जानकारी दिएका छन्।