महेश सिंह लहान- सिरहा जिल्लामा महिला उद्यमीहरूको सञ्जाल बलियो बनाउने उद्देश्यसहित ‘महिला उद्यमी संघ, सिरहा’ गठन गरिएको छ। लहानमा मंगलबार आयोजित बृहत कार्यक्रमबीच संघको औपचारिक घोषणा गरिएको हो।
नवगठित संघको अध्यक्षमा व्यवसायिक क्षेत्रमा सक्रिय कुशल व्यापारी खुशबु जैसवाल सर्वसम्मतरूपमा निर्वाचित भएकी छन्। कार्यक्रममा मधेश प्रदेशका मुख्यमन्त्री सतिश कुमार सिंह प्रमुख अतिथि रहेका थिए। उनले महिला सशक्तिकरणलाई देशको समृद्धिसँग प्रत्यक्षरूपमा जोड्दै, “महिलालाई सम्मान र राजनीतिको अग्रपंक्तिमा ल्याउन सकेमात्र देशलाई समृद्ध बनाउन सकिन्छ,” भन्ने धारणा राखे।
कार्यक्रममा जिल्लाका विभिन्न स्थानबाट आएका सयौं महिला उद्यमीहरूको उत्साहपूर्ण उपस्थिति रहेको आयोजक समितिले जनाएको छ। संघले आगामी दिनमा महिला उद्यमशीलता प्रवर्द्धन, व्यवसायिक सीप विकास, लगानी अवसर विस्तार र महिला उद्यमीको हकहितका लागि पहल गर्ने जनाएको छ।
मुख्यमन्त्री सिंहले मधेश प्रदेश सरकार महिला उद्यमीलाई आवश्यक नीति, कार्यक्रम र आर्थिक सहयोगमार्फत थप सशक्त बनाउन प्रतिबद्ध रहेको स्पष्ट पारे।
Discussion about this post