महेश सिंह लहान- नेपाल कम्युनिस्ट पार्टी (एकीकृत समाजवादी) लहान नगर कमिटीको नयाँ नेतृत्वले शुक्रबार पदभार ग्रहण गरेको छ।
जिल्ला उद्योग वाणिज्य संघको सभाहलमा आयोजित कार्यक्रममा नवनिर्वाचित नगर अध्यक्ष विनोद कुमार साहको अध्यक्षतामा २६ सदस्यीय कार्यसमितिले सपथ ग्रहण गरेको हो।
कार्यक्रममा नेता चन्द्र नारायण यादव, विनोद सिंह, रामचन्द्र यादव, धनिकलाल यादव, कञ्चन चौधरी र रामदयाल यादवको उपस्थिति रहेको थियो। नेताहरूले संगठन विस्तारमा नयाँ कार्यसमिति गम्भीरतापूर्वक लाग्नुपर्ने आवश्यकता औंल्याएका थिए। कार्यक्रममा बोल्दै नेताहरूले स्थानीय तहमा पार्टीको प्रभाव बढाउन सशक्त अभियान चलाउने प्रतिवद्धता जनाएका थिए।
Discussion about this post