महेश सिंह लहान – सुरूङ्गा नगरपालिकामा लैंगिक समानता तथा सामाजिक समावेशीकरण (जेसी) परीक्षणसम्बन्धी कार्यशाला सम्पन्न भएको छ। समग्र विकास तथा परामर्श सेवा केन्द्र प्रालिको सहकार्यमा आयोजित कार्यशालामा नगर कार्यपालिकाका सदस्य, विषयगत समितिका पदाधिकारी तथा शाखा प्रमुखसहित कर्मचारीहरूको सहभागीता रहेको थियो।
कार्यशालामा जेसी अडिट (लैंगिक तथा सामाजिक समावेशीकरण परीक्षण) प्रतिवेदन तयारीका लागि आवश्यक सुझाव, समिक्षा तथा समन्वयबारे छलफल गरिएको थियो।
कार्यशालामा सहभागीहरूलाई लैंगिक समानता र समावेशी नीतिहरूको प्रभावकारी कार्यान्वयन, नीति निर्माणमा सहभागिता, र संस्थागत सुधारका विषयमा सहजीकरण गरिएको थियो।
नगरपालिकाले समावेशी विकासलाई प्राथमिकतामा राख्दै आगामी योजना र नीति निर्माणमा यस्ता परीक्षणका सिफारिसलाई सम्बोधन गर्ने प्रतिबद्धता जनाएको छ।
Discussion about this post