महेश सिंह सिरहा –सिरहाको सिमा बर्तीगाउँपालिका अन्तर्गतको एक सामुदायिक विद्यालयमा अध्ययनरत उत्कृष्ट विद्यार्थीलाई पालिकाले सम्मान तथा पुरस्कार वितरण गरेको छ।
बुधबार आयोजित कार्यक्रममा गाउँपालिका अध्यक्ष शिव उदगार यादवले विद्यार्थीहरूलाई प्रशंसा पत्रसहित पुरस्कार वितरण गरेका हुन्। ‘शिक्षा क्षेत्रको गुणस्तर सुधार गर्न यस्तो खालको कार्यक्रमले सकारात्मक प्रभाव पार्ने विश्वास लिएको छु,’ अध्यक्ष यादवले भने, ‘विद्यार्थीहरूलाई प्रोत्साहन गर्न हामी प्रतिबद्ध छौं।’
कार्यक्रममा विभिन्न कक्षामा उत्कृष्ट प्रदर्शन गर्ने दर्जनौं विद्यार्थीलाई सम्मान गरिएको थियो। पालिकाले हरेक वर्ष यस्ता सम्मान कार्यक्रम आयोजना गर्दै आएको छ।
विद्यालय व्यवस्थापन समिति, शिक्षक, अभिभावक र विद्यार्थीको उपस्थिति रहेको कार्यक्रममा पालिकाका अन्य जनप्रतिनिधिहरूले समेत शुभकामना दिएका थिए।
Discussion about this post