लहान–५ स्थित नवकाली आधारभूत विद्यालयमा दलित तथा गरिब विद्यार्थीलाई छात्रवृत्ति वितरण

महेश सिंह सिरहा, लहान-लहान नगरपालिका वडा नम्बर ५ मा अवस्थित नवकाली आधारभूत विद्यालयले विद्यालयमा अध्ययनरत दलित तथा आर्थिक रूपले कमजोर पृष्ठभूमिका विद्यार्थीहरूलाई छात्रवृत्ति वितरण गरेको छ।

शिक्षामा पहुँच अभिवृद्धि गर्ने उद्देश्यले वितरण गरिएको यो छात्रवृत्तिबाट दर्जनौँ विद्यार्थी लाभान्वित भएका छन्। विद्यालय प्रशासनका अनुसार छात्रवृत्ति कार्यक्रमले विद्यार्थीहरूलाई अध्ययनमा थप प्रेरित गर्ने र उनीहरूको शैक्षिक गुणस्तरमा सकारात्मक प्रभाव पार्ने विश्वास गरिएको छ।

कार्यक्रममा बोल्दै विद्यालयका प्रधानाध्यापकले भने, “शिक्षा सबैका लागि हो भन्ने सन्देश दिन हामीले यो पहल गरेका हौं। आर्थिक अभावका कारण कसैले पनि पढाइ छोड्नु नपरोस् भन्ने हाम्रो उद्देश्य हो।”

विद्यार्थी अभिभावक तथा स्थानीय समुदायले विद्यालयको यस कदमको प्रशंसा गर्दै आगामी दिनमा पनि यस्ता सहायक कार्यक्रम निरन्तर जारी राख्न आग्रह गरेका छन्।