पद र प्रलोभन देखाउँदै पत्रकार प्रभावित गर्न खोजिएको आरोप

महेश सिंह लहान – मधेस प्रदेश सरकारको नेतृत्वमा रहेका पार्टीले प्रेस मञ्च नेपालमा आवद्ध केही पत्रकारलाई पद, पैसा र योजनाको प्रलोभन देखाएर प्रभावमा पार्न खोजेको आरोप लागेको छ।

प्रेस मञ्च नेपाल, मधेस प्रदेश समितिका अध्यक्ष अभरेन्द्रकुमार यादवले सोमबार एक विज्ञप्ति जारी गर्दै पछिल्लो समय केही अवसरवादी पत्रकारलाई लोभ लालच देखाई भ्रमित गर्ने प्रयास भइरहेको बताएका छन्।

‘विभिन्न रूप र भेषमा परिचालित त्यस्ता बहुरुपिया लोभी–पापीहरूको जालमा नपर्न सबै साथीहरूलाई आग्रह गर्दछु,’ विज्ञप्तिमा उल्लेख छ, ‘संगठनप्रति दृढ रहँदै आ–आफ्नो ठाउँबाट भूमिकाको निर्वाह गर्न आग्रह गर्दछौं।’

उनले यस्ता गतिविधिबाट पत्रकारिता पेशाको मर्यादा र स्वतन्त्रता जोखिममा पर्न सक्ने भन्दै सतर्क रहन सबै पत्रकारहरूलाई आग्रह गरेका छन्।