महेश सिंह लहान, – अपाङ्गता तथा फरक क्षमता भएका व्यक्तिहरूका लागि लक्षित कार्यक्रम सञ्चालन गर्न माग गर्दै अपाङ्ग पुनर्स्थापना केन्द्र, लहानले लहान नगरपालिकालाई ध्यानाकर्षण गराएको छ।
केन्द्रका अध्यक्ष संजय अग्रवालले सोमबार नगरप्रमुख महेश प्रसाद चौधरीलाई ध्यानाकर्षण पत्र बुझाउँदै आगामी आर्थिक वर्षको नीति तथा बजेटमा अपाङ्गता भएका व्यक्तिहरूका लागि विशेष बजेट व्यवस्था गर्न आग्रह गरेका हुन्।
ध्यानाकर्षण पत्रमा पुनर्स्थापना, सशक्तीकरण, सीप विकास, रोजगारी र पहुँच सुनिश्चित गर्नका लागि बजेट विनियोजन गर्नुपर्ने माग गरिएको छ। “समावेशी विकासको कुरा गर्दा अपाङ्गता भएका नागरिकको सवाल नगरपालिकाको प्राथमिकतामा पर्नैपर्छ,” अध्यक्ष अग्रवालले भने।
नगरप्रमुख चौधरीले ध्यानाकर्षण पत्र ग्रहण गर्दै अपाङ्गता भएका व्यक्तिहरूका आवश्यकता समेट्न नीति तथा कार्यक्रममार्फत पहल गर्ने प्रतिबद्धता जनाए।
Discussion about this post