महेश सिंह लहान,सिरहा – मा. बि. लहान-९ गोठटोलमा अध्ययनरत कक्षा ५ सम्मका दलित तथा अन्य छात्रछात्रालाई छात्रवृत्ति वितरण गरिएको छ।
स्थानीय वडाध्यक्ष घुरन चौधरीको रोहबरमा आयोजित कार्यक्रममा दर्जनौं विद्यार्थीहरूलाई छात्रवृत्ति वितरण गरिएको हो। छात्रवृत्तिको यो कार्यक्रमले विद्यालयस्तरमै शिक्षा पहुँचमा सुधार ल्याउने र आर्थिक रुपमा कमजोर वर्गका विद्यार्थीहरूलाई अध्ययनमा प्रोत्साहन गर्ने विश्वास लिइएको छ।
कार्यक्रममा अभिभावक तथा स्थानीयवासीको उल्लेखनीय उपस्थिति रहेको थियो। वडाध्यक्ष चौधरीले आगामी दिनहरूमा यस्ता कार्यक्रमलाई थप प्रभावकारी बनाउँदै निरन्तरता दिइने प्रतिबद्धता जनाउनुभयो।
विद्यालय प्रशासनले छात्रवृत्तिले विद्यार्थीहरूको मनोबल उच्च बनाउने विश्वास व्यक्त गरेको छ।
Discussion about this post