नापी कार्यालय लहानद्वारा ६८औं स्थापना दिवसको अवसरमा पहिलो सेवाग्राहीलाई विशेष स्वागत

महेश सिंह लहान, – नापी विभागको ६८औं स्थापना दिवसको अवसरमा नापी कार्यालय लहानले एक विशेष कार्यक्रम आयोजना गरी सेवा लिन आएका पहिलो सेवाग्राही लाई सम्मानपूर्वक स्वागत गरेको छ।
कार्यक्रमको क्रममा कार्यालय प्रमुख  लालबाबु यादव सहित सम्पूर्ण नापी परिवारले ती सेवाग्राही दम्पतीलाई स्वागत गर्दै सहज र सम्मानजनक सेवा प्रदान गरेका थिए। नापी कार्यालय लहानले सेवा प्रवाहमा पारदर्शिता, नागरिकमैत्री व्यवहार र समयमै सेवा उपलब्ध गराउने लक्ष्यका साथ स्थापना दिवसलाई विशेष बनाएको हो।
कार्यालय प्रमुखले उक्त अवसरमा बोल्दै नागरिकसँगको सकारात्मक सम्बन्ध निर्माण तथा गुणस्तरीय सेवा प्रदान गर्न कार्यालय निरन्तर प्रतिबद्ध रहेको बताए।
स्थापना दिवसको अवसरमा गरिएको यस्तो कार्यले सेवाग्राहीहरूमा उत्साह थप्ने तथा सार्वजनिक सेवाप्रति विश्वास बढाउने अपेक्षा गरिएको मागैन महतोले जनाए ।