महेश सिंह लहान– सिरहा लहान नगरपालिका–३ मा ‘फेमिली डेन्टल क्लिनिक’ सञ्चालनमा आएको छ। नगरप्रमुख महेश प्रसाद चौधरीले सोमबार क्लिनिकको रिबन काटेर उद्घाटन गरेका हुन्।
क्लिनिक अत्याधुनिक उपकरणले सुसज्जित रहेको र अनुभवी दन्त चिकित्सकहरूद्वारा सेवा प्रदान गरिने क्लिनिकका प्रमुख डा. मो. अफरोजले जानकारी दिए। उनका अनुसार क्लिनिकमार्फत लहान तथा आसपासका बासिन्दालाई सहज, गुणस्तरीय र किफायती सेवा उपलब्ध गराउने लक्ष्य राखिएको छ।
उद्घाटन समारोहमा विभिन्न सामाजिक तथा व्यावसायिक क्षेत्रका व्यक्तिहरूको उपस्थिति थियो। कार्यक्रममा बोल्दै मेयर चौधरीले निजी क्षेत्रबाट प्रदान हुने स्वास्थ्य सेवाले नागरिकको स्वास्थ्यमा सकारात्मक प्रभाव पार्ने विश्वास व्यक्त गरे।
क्लिनिकले नियमित दन्त जाँच, उपचार, सौन्दर्यात्मक सेवा, दाँत निकाल्ने, जडान गर्नेलगायत सेवा उपलब्ध गराउने बताइएको छ।
Discussion about this post