सिरहाका जसपा नेपालका जिल्ला अध्यक्ष अशोक यादवका पिताको निधन

महेश सिंह सिरहा- अर्नमा गाउँपालिका–३ निवासी राम दयाल यादवको ६९ वर्षको उमेरमा निधन भएको छ। हृदयघातका कारण शनिबार बिहान १० बजे आफ्नै निवासमा निधन भएको पारिवारिक स्रोतले जानकारी दिएको छ।
मृतकका छोरा अशोक यादव जनता समाजवादी पार्टी (जसपा) नेपालका सिरहा जिल्ला अध्यक्ष तथा अर्नमा गाउँपालिकाका अध्यक्ष हुन्।
उहाँको निधनप्रति जसपा निकटका नेता तथा कार्यकर्ताहरूले दुःख व्यक्त गरेका छन्। यादवको पार्थिव शरीरको अन्त्येष्टि शनिबार साँझ ४ बजे गरिने परिवारले जनाएको छ।
स्व. यादवले श्रीमती बौऐ बती यादव, तीन छोरा र दुई छोरीलाई शोकसन्तप्त अवस्थामा छोडेका छन्।
उहाँको निधनले जसपा निकट राजनीतिक वृत्तमा शोकको वातावरण छाएको छ। पार्टीका नेताहरूले यादवप्रति श्रद्धाञ्जली अर्पण गर्दै परिवारजनलाई धैर्यधारण गर्ने शक्ति मिलोस् भन्ने कामना गरेका छन्। पार्टीका जिल्ला सचिब बिन कुमार मण्डले जनाए ।