सप्तरीको बलान बिहुलमा फुड बैंक निर्माण हुँदै

 १३ पौष । सप्तरीको बलान बिहुल गाउँपालिकामा फुड बैंक निर्माण हुने भएको छ । वडा नं. १ स्थित पालिकाको सभा हल नजिकै निर्माण हुन लागेको फुड बैंकको एक कार्यक्रमबिच गाउँपालिका प्रमुख खेमचन्द्र यादव र उपप्रमुख रेनु यादवले संयुक्त रुपमा सिलन्यास गरेका हुन ।                                               संयुक्त राष्ट्रिय विश्व खाध कार्यक्रम (UNWFP) को आर्थिक सहयोग र आसमान नेपालको साझेदारीमा निर्माण हुन लागेको फुड बैंकको लागी पहिलो चरणमा रु. ३० लाखको सम्झौता भएको जिल्ला प्रोग्राम कोडिनेटर सावन यादवले बताए ।                                आवश्यकता अनुसार रकम थप गर्न सकिने उनले बताए । फुड बैंकको निर्माण जनवरी महिनासम्म सम्पन्न गर्ने लक्ष्य रहेको संस्थाको फिल्ड सुपरभाइजर उमेश यादवले बताए । फुड बैंक निर्माण भएपछी यस भेगका किसानलाई सहयोग पुग्ने वडा नं. १ को वडा अध्यक्ष रामकुमार यादवले बताए ।