महेश सिंह सिरहा लहान – जनता समाजवादी पार्टी नेपाल (जसपा) ले आगामी राष्ट्रिय सभा निर्वाचनका लागि मधेश प्रदेशबाट आफ्ना उम्मेदवार टुंगो लगाएको छ। पार्टीका अनुसार अल्पसंख्यक समूहबाट शैलेश चौधरी, महिलातर्फ चन्द्रकला साह तथा दलित समूहबाट चमेली देवी दास उम्मेदवार रहने निर्णय गरिएको हो।
पार्टीले समावेशी प्रतिनिधित्व सुनिश्चित गर्दै मधेशको आवाज राष्ट्रिय राजनीतिमा अझ सशक्त बनाउने उद्देश्यले योग्य, अनुभवी र प्रतिबद्ध व्यक्तित्वहरूलाई उम्मेदवारका रूपमा अघि सारेको जनाएको छ। उम्मेदवार चयन प्रक्रियामा सामाजिक समावेशिता, राजनीतिक अनुभव र समुदायप्रतिको योगदानलाई प्राथमिकता दिइएको पार्टी स्रोतले जनाएको छ।
यसैगरी अन्य क्लस्टरतर्फ जनता समाजवादी पार्टीले लोकतान्त्रिक समाजवादी पार्टी (लोसपा) का अध्यक्ष महन्थ ठाकुरलाई समर्थन गर्ने निर्णय गरेको छ। गठबन्धन र सहकार्यका माध्यमबाट राष्ट्रिय सभामा मधेश केन्द्रित एजेन्डालाई प्रभावकारी रूपमा उठाउने पार्टीको रणनीति रहेको बताइएको छ।
पार्टी नेतृत्वले सबै उम्मेदवारलाई अग्रिम शुभकामना व्यक्त गर्दै निर्वाचनमार्फत समावेशी लोकतन्त्र सुदृढ हुने विश्वास व्यक्त गरेको छ।
Discussion about this post