राजनीतिक परिर्वतनको संकेत : नेपाली कांग्रेस परित्याग गरी राजाबाबु साह सहितको समूह जसपामा प्रवेश

महेश सिंह लहान –मधेसको राजनीतिमा एक महत्वपूर्ण मोड देखिएको छ, जहाँ नेपाली कांग्रेसका पूर्व महाधिवेशन प्रतिनिधि तथा कटहरीया नगरपालिका निवासी युवा नेता राजाबाबु साह नेतृत्वमा रहेको समूहले कांग्रेस परित्याग गरी जनता समाजवादी पार्टी (जसपा) नेपालमा विधिवत प्रवेश गरेको छ।

यस राजनैतिक प्रवेशलाई लक्षित गरी आयोजित जिल्ला विस्तारित बैठक तथा नवप्रवेशी सम्मान समारोह रौतहटमा भव्य रूपमा सम्पन्न भएको छ। कार्यक्रमले न केवल नवनेताहरूको स्वागत गर्‍यो, तर जसपाको सांगठनिक रणनीति र आगामी निर्वाचन तयारीमा समेत सशक्त सन्देश दिएको छ।

कार्यक्रममा प्रमुख अतिथि रहेका जसपाका केन्द्रीय उपाध्यक्ष तथा पूर्वमन्त्री गोविन्द चौधरी ले मधेश आन्दोलन, संघीयता र समावेशी मूल्यको संरक्षण गर्दै नयाँ नेतृत्वलाई पार्टीभित्र प्रमुख जिम्मेवारी वहन गर्न प्रेरित गरे।

जसपाका जिल्ला अध्यक्ष राजिव रञ्जन यादव (राजु) को अध्यक्षतामा सम्पन्न कार्यक्रमले नयाँ राजनीतिक ध्रुवीकरणको संकेत दिएको छ।
राजाबाबु साह को प्रवेशलाई नेताहरूले “संगठनात्मक रुपमा गहिरो प्रभाव पार्ने” घटना भनेका छन्।
उनले कांग्रेसमा लामो समय बिताएर मधेसको हितमा क्रियाशील भूमिका निभाएका थिए।