महेश सिंह लहान-सिरहा सेवा समाज कतारको आयोजनामा सम्पन्न भएको वृहत रक्तदान कार्यक्रममा लायन्स क्लब अफ लहान फुलबारीका अध्यक्ष ला. शंकर प्रसाद गुप्तालाई विशिष्ट अतिथिका रूपमा सम्मान गरिएको छ।
उक्त कार्यक्रममा गुप्तालाई आयोजक संस्थाका अध्यक्ष जयप्रकाश यादवको नेतृत्वमा प्रशंसा पत्र प्रदान गर्दै सम्मान गरिएको हो। कार्यक्रममा जिल्ला समन्वय समिति, सिरहाका अध्यक्ष दिनेश कुमार महतो प्रमुख अतिथिका रूपमा सहभागी थिए।
सम्मानप्रति प्रतिक्रिया जनाउँदै अध्यक्ष गुप्ताले आयोजक संस्था तथा सम्पूर्ण टिमप्रति आभार व्यक्त गर्दै भने, “समाजसेवाको क्षेत्रलाई अन्तर्राष्ट्रिय तहमा पुर्याउने कार्यमा सिरहा सेवा समाज कतारको योगदान प्रेरणादायी छ।”
रक्तदानजस्तो मानवीय कार्यमा प्रवासी नेपालीहरूको सक्रिय सहभागिता देखिएको कार्यक्रममा दर्जनौं व्यक्तिहरूले रक्तदान गरेका थिए। कार्यक्रममा विभिन्न सामाजिक अभियन्ता र संघसंस्थाको उपस्थिति रहेको थियो।
Discussion about this post