महेश सिंह सिरहा- लहान नगरपालिका स्थित मावि पडरियामा गरिब, दलित र सीमान्तकृत समुदायका जेहेन्दार विद्यार्थीलाई छात्रवृत्ति वितरण गरिएको छ।
विद्यालयका प्रधानाध्यापक मनोज कुमार यादवका अनुसार छात्रवृत्ति वितरणको उद्देश्य विपन्न तथा सीमान्तकृत समुदायका विद्यार्थीलाई अध्ययनमा सहयोग पुर्याउनु रहेको छ। ‘अध्ययनमा उनीहरू अझ प्रोत्साहित होऊन् भन्ने उद्देश्यले छात्रवृत्ति वितरण गरिएको हो,’ प्रधानाध्यापक यादवले भने।
शैक्षिक सत्र २०८१ का लागि कक्षा १ देखि ५ सम्म अध्ययनरत दलित र गैर–दलित गरी झण्डै दुई दर्जन विद्यार्थीलाई छात्रवृत्ति वितरण गरिएको हो। छात्रवृत्ति वितरण कार्यक्रममा विद्यालय व्यवस्थापन समितिका पदाधिकारी, शिक्षक तथा कर्मचारीहरूको उपस्थिति रहेको थियो।
कार्यक्रममा बोल्दै समितिका पदाधिकारीहरूले यस्ता कार्यक्रमले विद्यार्थीको मनोबल बढाउने र पढाइप्रति थप लगाव पैदा गराउने विश्वास व्यक्त गरे। प्रधानाध्यापक यादवले छात्रवृत्तिका लागि स्थानीय स्रोत र सहकार्यबाट रकम व्यवस्थापन गरिएको जानकारी दिए।
Discussion about this post