महेश सिंह लहान – जे.एस. मुरारका बहुमुखी क्याम्पसमा यही चैत ५ गते हुने स्ववियु निर्वाचन नजिकिँदै जाँदा चुनावी सरगर्मी बढेको छ। प्रमुख विद्यार्थी संगठनहरूले आआफ्ना रणनीति बनाएर चुनावी मैदान तताएका छन्। क्याम्पसमा संयुक्त विद्यार्थी संगठन बलियो रूपमा प्रस्तुत भएको छ।
समाजवादी विद्यार्थी युनियन, अखिल (क्रान्तिकारी), विद्यार्थी जनमत संघ र अनेरास्ववियू (एस) सम्मिलित गठबन्धनको पक्षमा विद्यार्थीहरूको आकर्षण बढेको देखिन्छ।
गठबन्धनका उम्मेदवारलाई जितको मुख्य दाबेदार मानिएको छ।
गठबन्धनका उम्मेदवारहरू
संयुक्त विद्यार्थी संगठनले यसपटक निम्न उम्मेदवारलाई अगाडि सारेको छ: सभापति: ललित यादव सचिव: जिवछ कुमार ठाकुर कोषाध्यक्ष: भोगेन्द्र प्रसाद शर्मासदस्यहरू: गणेश कुमार यादव, सन्तोषी कुमारी यादव, बबिता कुमारी कामैत, अरविन सदाय, राजेश कुमार यादव, प्रदीप कुमार साह, आरती कुमारी मुखिया।
क्याम्पसमा गठबन्धनको पकड बलियो देखिएको छ। विद्यार्थीहरूको ठूलो समर्थन रहेको गठबन्धनले विजयी हुने दाबी गरेको छ। चुनावी प्रचारमा गठबन्धनले संगठनात्मक बल देखाएको छ भने अन्य प्रतिस्पर्धीहरू पनि मैदानमा सक्रिय छन्।
चैत ५ गते हुने निर्वाचनले क्याम्पसको नयाँ नेतृत्व को हातमा जाने भन्ने टुंगो लगाउनेछ।
Discussion about this post