महेश सिंह लहान,सिरहा- लहान–३ स्थित लहान रिफ्रेरेन्स ल्याबोरेटरी (एल.आर.एल.) ले वरिष्ठ समाजसेवी तथा दानवीर मुरारी लाल मुरारकालाई शनिबार भव्य रूपमा स्वागत तथा सम्मान गरेको छ। स्वास्थ्य र सामाजिक सेवामा लामो समयदेखि पुर्याउँदै आएको योगदानको कदरस्वरूप उनलाई सम्मान गरिएको आयोजकले जनाएको छ।
एल.आर.एल. का सञ्चालक विजय कुमार यादवको अगुवाइमा सम्पन्न कार्यक्रममा प्रमुख अतिथि मुरारी लाल मुरारकाले आफू जहाँ रहे पनि लहान र लहानबासीप्रति सदैव समर्पित रहने बताए। उनले नेपाल रेडक्रस सोसाइटीका लागि व्यवस्थित भवन निर्माणमा आवश्यक सहयोग गर्ने प्रतिबद्धता व्यक्त गर्दै मानवीय सेवामा सबै पक्षको साझा भूमिका आवश्यक रहेको उल्लेख गरे।
कार्यक्रममा वक्ताहरूले लहान रिफ्रेरेन्स ल्याबोरेटरी स्थापना तथा सञ्चालनमा समाजसेवी र जग्गादाता परिवारको योगदानले स्थानीयस्तरमा गुणस्तरीय स्वास्थ्य परीक्षण सेवा सहज बनेको बताए। एल.आर.एल. सञ्चालक यादवले आधुनिक प्रविधियुक्त प्रयोगशालामार्फत भरपर्दो र सर्वसुलभ स्वास्थ्य सेवा प्रदान गर्ने उद्देश्यसहित ल्याब सञ्चालन गरिएको जानकारी गराए।
सम्मान कार्यक्रममा डा.मिश्रिलाल साह, डा. रितेश गिरी, वरिष्ठ समाजसेवी राकेश झा, बौद्धिक सामाजिक चिन्तक शंकर प्रसाद गुप्ता तथा सिरहाका अनुसन्धान प्रमुख एसपी सुरेन्द्र कोईरालालगायतको उपस्थिति रहेको थियो। सहभागी वक्ताहरूले मुरारकाको दानशीलता र सामाजिक उत्तरदायित्वले समाजमा सकारात्मक सन्देश प्रवाह गरेको धारणा व्यक्त गरे।
Discussion about this post