महेश सिंह सिरहा – लहान३ मा अवस्थित लहान परागन पब्लिक स्कुलले पछिल्लो केही वर्षयता गुणस्तरीय शिक्षाको विश्वसनीय केन्द्रका रूपमा आफ्नो पहिचान स्थापित गर्न सफल भएको छ।
विद्यालयले विद्यार्थीलाई कक्षा–कक्षाभित्रको नियमित शिक्षासँगै शैक्षिक अनुशासन, व्यवहारिक सीप र भविष्य निर्माणमा केन्द्रित कार्यक्रम सञ्चालन गर्दै आएको विद्यालयका प्रिन्सिपल उमेश चौधरीले जानकारी दिए।
उनका अनुसार विद्यालयले ‘गुणस्तरीय शिक्षा–प्रत्येक बालबालिकाको अधिकार’ भन्ने अवधारणा अनुसार सिकाइलाई आधुनिक, रचनात्मक र व्यवहारमै आधारित बनाउन निरन्तर सुधार गर्दै आएको छ। “अभिभावक र विद्यार्थीको विश्वास जित्नु नै हाम्रो पहिलो प्राथमिकता हो,” प्रिन्सिपल चौधरीले भने।
तीन दशकदेखि सञ्चालनमा रहेको विद्यालयमा अहिले सिरहा, सप्तरी, धनुषा र उदयपुरसहितका जिल्लाबाट आएका हजारौँ विद्यार्थी अध्ययनरत छन्।
विद्यालयले शैक्षिक नतिजा, अनुशासन र विद्यार्थीको समग्र विकासका कारण स्थानीय अभिभावकबीच राम्रो ख्याती बनाएको छ।
विद्यालयले आगामी शैक्षिक सत्रदेखि प्रविधि–सम्पन्न कक्षा सञ्चालन, अतिरिक्त क्रियाकलाप विस्तार र अधिरचना सुदृढीकरणमा जोड दिने जनाएको छ।
Discussion about this post