अल्पसंख्यक समुदायको मधेस प्रदेशस्तरीय अन्तरक्रिया

महेश सिंह लहान – दलित, पिछडावर्ग, थारु, आदिवासी जनजाति र अल्पसंख्यक समुदाय परिसंघ (DOTIM) महोत्तरीले आयोजना गरेको मधेस प्रदेशस्तरीय अन्तरक्रिया कार्यक्रम भव्य रूपमा सम्पन्न भएको छ।

कार्यक्रमको उद्घाटनमा विभिन्न समुदायका अगुवा, राजनीतिक दलका प्रतिनिधि, सामाजिक अभियन्ता र नागरिक समाजका सदस्यहरूको सक्रिय सहभागिता रहेको थियो।
अन्तरक्रिया कार्यक्रममा सहभागी वक्ताहरूले समावेशी लोकतन्त्र, समान अवसर र सामाजिक न्यायको सुनिश्चितताका लागि नीति र व्यवहार दुबै स्तरमा सुधार आवश्यक रहेको निष्कर्ष निकाले।

कार्यक्रममा बोल्दै वक्ताहरूले दलित, थारु, आदिवासी जनजाति, पिछडावर्ग र अल्पसंख्यक समुदायका हकहितका लागि एकजुट भएर आवाज उठाउनुपर्नेमा जोड दिएका थिए।
सहभागीहरूले राजनीतिक समावेशिता, शिक्षा र रोजगारीमा समान पहुँच, र सामाजिक विभेद अन्त्यका लागि प्रभावकारी कदम चाल्न सरकारलाई आग्रह गरेका छन्।

कार्यक्रममा DOTIM का पदाधिकारीहरूले आगामी दिनमा मधेस प्रदेशका सबै जिल्लामा यस्ता सचेतनामूलक तथा नीतिगत अन्तरक्रिया कार्यक्रम सञ्चालन गर्ने प्रतिबद्धता व्यक्त गरे। स्थानीय सरोकारवाला, पत्रकार तथा समुदायका प्रतिनिधिहरूको उपस्थितिमा सम्पन्न यो कार्यक्रमलाई सहभागीहरूले समानताको अभियानतर्फको महत्वपूर्ण पहलका रूपमा मूल्याङ्कन गरेका छन्।