महेश सिंह सिरहा — बेइजिङ्ग सेंट्रल पॉलिटिकल कमिटी अफ नेपालद्वारा “बेइजिङ्ग राजनीतिक समिति निर्माण” विषयक वृहत भेला आज सिरहामा सम्पन्न भएको छ।
कार्यक्रमको प्रमुख उद्देश्य नेपालमा समावेशी, जिम्मेवार र नीतिगत नेतृत्व विकासका लागि साझा रणनीति तय गर्ने रहेको थियो।
“स्थानीय स्तरमा राजनीतिक सचेतना र संगठन निर्माण” भन्ने मूल नाराका साथ आयोजित भेलामा विभिन्न राजनीतिक दलका प्रतिनिधि, सामाजिक अभियन्ता, महिला र युवा अगुवाहरूको सक्रिय सहभागिता रहेको थियो।
भेलाका वक्ताहरूले बेइजिङ्ग मोडल अन्तर्गतको राजनीतिक दृष्टिकोण, नीति निर्माणमा नागरिक सहभागिता र आगामी चरणमा सशक्त नेतृत्व निर्माणका विषयमा विचार व्यक्त गरे। उनीहरूले नीति र व्यवहारबीचको दूरी घटाई जनमुखी राजनीति स्थापनाका लागि साझा प्रयास आवश्यक रहेकोमा जोड दिए।
कार्यक्रममा केन्द्रीय संयोजक, महिला सञ्जाल संयोजक, र अन्य प्रदेश प्रतिनिधिहरूको उपस्थिति रहेको थियो।
भेलाको अन्त्यमा आगामी कार्ययोजना तयार पार्दै स्थायी समिति गठनका लागि ५ सदस्यीय तयारी समिति गठन गरिएको जानकारी दिइयो।
Discussion about this post