लहानमा स्तन क्यान्सर सम्बन्धि सचेतना

महेश सिंह सिरहा-लायन्स क्लब अफ लहान फुलबारीको आयोजनामा र क्यान्सर केयर सेन्टर लहानको सहयोगमा “Breast Cancer Awareness Programme” लहान मेडिकल कलेज (LMC College) लहानमा सम्पन्न भएको छ।

कार्यक्रममा महिलाहरूलाई स्तन क्यान्सरका प्रारम्भिक लक्षण, कारण, रोकथामका उपाय र समयमै जाँच गराउँदा हुने फाइदाबारे विस्तृत जानकारी दिइयो। स्वास्थ्यकर्मीहरूले आत्म–परीक्षण (Self-examination) र नियमित स्वास्थ्य परीक्षणको महत्वमा जोड दिएका थिए।

लायन्स क्लब अफ लहान फुलबारीका प्रतिनिधिहरूका अनुसार, कार्यक्रमको उद्देश्य महिला स्वास्थ्यप्रति सचेतना बढाउने र क्यान्सरको जोखिम घटाउने हो।
क्यान्सर केयर सेन्टरका चिकित्सकहरूले पनि सहभागीहरूलाई निःशुल्क परामर्श प्रदान गरेका थिए।

स्थानीय समुदाय, विद्यार्थी तथा महिला समूहहरूको उल्लेखनीय सहभागितामा सम्पन्न सो कार्यक्रमले समाजमा सकारात्मक सन्देश प्रवाह गरेको आयोजकले जनाएको छ।