महेश सिंह सिरहा –हाल सामाजिक सञ्जालमा विद्यालयमा शिक्षक ढिलो पुगेका विषयलाई लिएर गरिएको आलोचना र गालीगलौजप्रति शिक्षक समुदायले आपत्ति जनाएका छन्।
शिक्षकहरुले भनेका छन् — “हामी ढिलो आउन चाहन्नौं, तर यात्राको साधन, स्वास्थ्य र पारिवारिक कारणले कहिलेकाहीँ ढिलाइ हुन सक्छ।”
उनीहरूले सामाजिक सञ्जालमा शिक्षकको छवि बिगार्ने प्रवृत्तिले विद्यालयको वातावरण बिगार्ने चेतावनी दिएका छन्। शिक्षकहरूको भनाइ छ — “शिक्षक ढिलो आएको बहानामा अपमान गर्नु गलत हो, समस्या भए विद्यालय प्रशासनसँग संवाद गर्नुपर्छ।”
साथै, उनीहरूले अभिभावकलाई आफ्ना सन्तानको अनुशासन र अध्ययनप्रति सचेत रहन आग्रह गरेका छन्। “शिक्षकले पढाउँदा, सम्झाउँदा, कहिलेकाहीँ सजाय दिँदा पनि उद्देश्य सुधारकै हुन्छ,” उनीहरूकाे भनाइ छ।
गुरुजनहरूले पनि समाज र सरकारसँग इमानदारीका साथ काम गर्दै आफ्नो गरिमा कायम राख्नुपर्नेमा जोड दिएका छन्।
Discussion about this post