महेश सिंह सिरहा – सुन्दर जनता माध्यमिक विद्यालय, औरही–५ सिरहामा लामो समयदेखि सेवा गर्दै आएका शिक्षक कपलेश्वर यादवले वृक्षारोपण गरेर अनिवार्य अवकाश लिएका छन्।
विगत ३८ वर्षदेखि विद्यालयमा प्रा.शि. द्वितीय श्रेणीका शिक्षकका रूपमा कार्यरत यादवले मङ्गलवार (२०८२ जेठ १४) अनिवार्य अवकाश ग्रहण गर्दै विद्यालय परिसरमा विभिन्न प्रजातिका वृक्षारोपण गरेका हुन्। उहाँले विद्यालयको शैक्षिक, भौतिक तथा नैतिक उन्नतिका लागि निरन्तर योगदान गर्दै आएका थिए।
विद्यालयका प्रधानाध्यापकले यादवको योगदानलाई ‘विद्यालयको आधारस्तम्भ’को रूपमा स्मरण गरेका छन्। विद्यालय परिवारका तर्फबाट आयोजित एक सादगीपूर्ण कार्यक्रममार्फत उहाँलाई सम्मान गरिएको थियो।विद्यालयले उहाँको बाँकी जीवन सुखमय, स्वस्थ र शान्तिपूर्ण रहोस् भन्ने शुभकामना समेत व्यक्त गरेको छ।
Discussion about this post