कर्जन्हा नगरमा मुक्ति मोर्चाको अधिवेशन, यादव अध्यक्षमा चयन

महेश सिंह सिरहा- मधेसी राष्ट्रिय मुक्ति मोर्चाको कर्जन्हा नगर अधिवेशन शनिबार सम्पन्न भएको छ। अधिवेशनले स्थानीय शम्भु यादवको अध्यक्षतामा २५ सदस्यीय नयाँ कार्य समिति चयन गरेको छ।
कार्यक्रममा सहभागी नेताहरुले समाज सेवामा मुक्ति मोर्चाको योगदान अतुलनीय रहेको उल्लेख गरे। उनीहरुले स्थानीय स्तरमा सामाजिक न्याय, पहिचान र अधिकारका मुद्दालाई सशक्त ढंगले अगाडि बढाउने प्रतिबद्धता व्यक्त गरे।
‘मुक्ति मोर्चाले सदैव उत्पीडित समुदायको आवाज बुलन्द बनाउँदै आएको छ,’ नवनिर्वाचित अध्यक्ष यादवले भने, ‘अबको हाम्रो प्राथमिकता संगठन सुदृढीकरण र स्थानीय तहमा जनसमस्या समाधानमा सक्रिय भूमिका खेल्नु हुनेछ।’
मुक्ति मोर्चाका नेताहरुले अधिवेशनले संगठनलाई नयाँ ऊर्जा प्रदान गरेको भन्दै जिल्लाभर सांगठनिक गतिविधि तीव्र बनाउने बताए। माओवादी केन्द्रका नेता हेमन्त यादवले जनाए।