देशभरिको किसान कृषक पाठशाला अभियासमा जुटदै: हातिदह लहान

महेश सिंह लहान- बैशाख ११ , सिरहाको लहान १५ हातिदहमा देशभरिको किसान कृषक पाठशाला अभियासमा जुटेका छन्। स्थानीय कृषकहरूको सशक्तिकरण र कृषि प्रणालीको सुदृढीकरणका लागि सिरहाको लहान–१५ हात्तीदहमा ‘कृषक व्यवसाय पाठशाला अभ्यास’ सम्पन्न भएको छ।
उक्त कार्यक्रममा ४६ जना किसान अगुवाईको सहभागी रहेको राष्ट्रिय कृषक समुह महासंघका मधेस प्रदेशका कार्यक्रम संयोजक दिलिप साहले बताए।सिरहा र सप्तरी जिल्लाको सरोकारवालाको उपस्थिति रहेको थियोे। उक्त कार्यक्रममा पोषण जलवायु मैत्री कृषि,संरक्षण,रुपान्तरण परियोजनाबाट साना किसानको जिबीका पार्जनमा ल्याएको सुधारलाई अदानप्रदान गरेको प्राबिधिक अधिकृत ईश्वर थापाले जानकारी दिनु भयो।
‘स्थायी, समृद्ध, सम्मानित किसान : सबल महासंघ’ भन्ने मूल नारासहित दुईदिने अभ्यास कार्यक्रम वैशाख १० र ११ गते सम्पन्न हुने छ।
राष्ट्रिय कृषक समूह महासंघ, नेपालको आयोजनामा तथा केयर नेपालको सहकार्यमा सम्पन्न कार्यक्रममा बहुसरोकारवालासँग चिन्तन, सिकाइ र कार्यदिशा निर्माणमा जोड दिइएको थियो। कार्यक्रममा स्थानीय कृषक, कृषि प्राविधिक, पालिका प्रतिनिधि, सहकारीकर्मी, पत्रकार तथा विभिन्न संघसंस्थाका प्रतिनिधिको उपस्थिति थियो।
कार्यक्रममा सहभागी कृषकहरूले उत्पादनमा लगानी बढ्दो, तर आम्दानी न्यून रहेको गुनासो गरे। बजारको पहुँच, गुणस्तरीय बीउको अभाव, जलवायु परिवर्तनको असर, सरकारी सेवा प्रवाहमा अपुग, र सहुलियतपूर्ण कर्जाको पहुँच जस्ता समस्या प्रमुख रूपमा उठाइए। यस्तै, स्थानीय सरकारका प्रतिनिधिहरूले कृषिलाई प्राथमिकतामा राखेर बजेट विनियोजन गर्न, तालिम तथा सहजीकरण कार्यक्रमलाई बढावा दिनुपर्नेमा जोड दिए।
महासंघका प्रतिनिधिहरूले कृषि क्षेत्रमा किसानको नेतृत्व सुनिश्चित गर्दै तीनै तहका सरकारसँग समन्वय गरेर नीति निर्माणमा दबाब सिर्जना गर्ने योजनाको खाका प्रस्तुत गरे। अभ्यासले कृषकहरूको आवाज सुन्ने, उनीहरूको अनुभव र सीपलाई समेटेर भावी रणनीति निर्माण गर्ने आधार तयार गरेको आयोजकहरूको भनाइ छ।
कार्यक्रममा सहभागीहरूले यस्तो अभ्यासले कृषक र नीतिनिर्माताबीच प्रत्यक्ष संवादको अवसर दिने भएकाले स्थानीय कृषि विकासमा सकारात्मक प्रभाव पार्ने अपेक्षा गरेका छन्।