महेश सिंह सिरहा- संघीयता, सुशासन, सामाजिक न्याय र समाजवादलाई मूल नाराका रूपमा अघि सारेको जनता समाजवादी पार्टी नेपाल (जसपा) को प्रथम जिल्ला अधिवेशन सोमबार सिरहाको गोलबजारमा जारी छ। जसपा नेपालकेन्द्रिय उपाध्यक्ष राजकिशोर यादवले देशमा मुलुक हौवा पिटने काम हुँदै छ। मुलुकमा लोकतन्त्रको नाउँमा राजनीतिक गुटबन्दी हुँदै छ। राजनीतिलाई संस्थागत हुनु जरुरी रहेको परिवर्तन गरी जनता अनुभुती गराउन जरुरी रहेको बताए। शक्ति बढाउन अगाडी बढनु पर्छ।
संघीयताको रक्षा देशमा जसपा नेपालले मात्र गर्न सक्छ। पुर्व मन्त्री सुरेश मंण्डलले बताए। काङ्ग्रेस एमालेमा लिमिटेसन रहेको बताए।
सिरहा जिल्ला अध्यक्ष अशोक कुमार यादवको अध्यक्षतामा सुरु भएको कार्यक्रमको उद्घाटन जसपाका केन्द्रीय अध्यक्ष उपेन्द्र यादवले गरेका थिए। उनले मधेसको पहिचान, अधिकार र आत्मनिर्णयको अधिकारको पक्षमा पार्टीले खेलेको भूमिकालाई स्मरण गर्दै, “जसपाले मधेसलाई राजनीतिक रुपमा संगठित र सशक्त बनाउने काम गरेको छ,” भने।
कार्यक्रममा बोल्दै यादवले नयाँ नेतृत्वको चयन सक्षम र उत्तरदायी होस् भन्ने शुभकामना व्यक्त गरे। अधिवेशनमा माओवादी केन्द्रका नेता हरिनारायण चौधरी र नेकपा एमालेका नेता डा. नवीन कुमार यादवको पनि उपस्थिति थियो।
डा. यादवले मधेस प्रदेशमा शिक्षाबाट कृषिसम्मका समस्या समाधानमा ध्यान दिनुपर्नेमा जोड दिँदै भने, “म एमालेमा भए पनि मधेसी मुद्दा र पहिचानको पक्षमा सधैं आवाज उठाउँदै आएको छु।”
उनले मधेस प्रदेशमा दक्ष जनशक्ति र कर्मचारी अभाव रहेको उल्लेख गर्दै, “राज्यले मन्त्री चयन गर्दा विषयगत दक्षता र क्षेत्रीय सन्दर्भलाई ध्यान दिनुपर्छ,” भने। छुवाछुत जस्ता सामाजिक विकृति अझै कायम रहेकोप्रति चिन्ता व्यक्त गर्दै उनले यसबारे नीति तहमै हस्तक्षेप आवश्यक रहेको बताए।
कार्यक्रममा जसपाका नेता राजलाल यादव, राजकिशोर यादव, सुरेश मण्डल, ललिता दास, जानकी यादव, संजिला यादव, चन्देश्वर पासवान, रेनु यादव, रामचलित्र महतो, चन्द्रशेखर यादव, राम उद्धार महतो, प्रदीप मण्डल, रन्जित यादव लगायत नेताहरूको उपस्थिति थियो।
कार्यक्रमको स्वागत मन्तव्य राकेश रोशन गुप्ताले राखेका थिए भने, मधेस गानलाई विशेष प्राथमिकता दिइएको थियो।
कार्यक्रममा बोल्दै माओवादी नेता हरिनारायण चौधरीले संघीयता जोगाउन त्यसको मर्म र महत्व जनस्तरसम्म पुर्याउन आवश्यक रहेको धारणा राखे।
Discussion about this post