जसपा अध्यक्ष यादवसँग सिरहा र सप्तरीका नेताहरुको गहन छलफल

महेश सिंह लहान , माघ जनता समाजवादी पार्टी (जसपा) नेपालका केन्द्रिय अध्यक्ष उपेन्द्र यादवको निवासमा आइतबार सिरहा र सप्तरीका पार्टी नेताहरुबीच राजनीतिक छलफल सम्पन्न भएको छ।
सप्तरी जिल्ला अध्यक्ष केदारप्रसाद यादव र सिरहाका केन्द्रीय महाधिवेशन प्रतिनिधि विजयकुमार यादवसहित दर्जनौं नेताहरुको उपस्थिति रहेको उक्त कार्यक्रममा देशको समसामयिक राजनीतिक अवस्था र आगामी योजनाका विषयमा गहन विचार-विमर्श गरिएको हो।

कार्यक्रममा सिरहाको राजनीतिक अवस्था, सप्तरी र सिरहामा माघ ५ गते मनाइने बलिदानी दिवसका तयारी र मधेस प्रदेशस्तरीय रणनीतिका विषयमा छलफल भएको सिरहाका नेता बिजय यादवले जानकारी दिए। उनले भने,”प्रदेशस्तरीय नेताहरूको उपस्थिति रहेको छलफलमा बलिदानी दिवसलाई भव्य बनाउने र क्षेत्रीय संगठन सुदृढ गर्ने विषयमा सहमति भएको छ।”

यस क्रममा दर्जनौं नेताहरूको उपस्थितिमा सिरहा र सप्तरीका नेताहरुले आ-आफ्नो क्षेत्रका समस्या र समाधानका सम्भावनाहरूबारे अध्यक्ष यादवलाई जानकारी गराएका थिए।छलफलपछि अध्यक्ष यादव मिर्चैयामार्फत मधेस प्रदेशको राजधानी जनकपुरतर्फ प्रस्थान यात्रा तय भएको छ।