सिरहाको महेशवारीमा प्रहरीद्वारा परिचयात्मक तथा लागुऔषध सम्बन्धी जनचेतना कार्यक्रम सम्पन्न
महेश सिंह लहान –सखुवानान्कार कट्टी गाउँपालिका अन्तर्गत पर्ने ईलाका प्रहरी कार्यालय महेशवारीले विभिन्न राजनीतिक दलका प्रतिनिधि तथा स्थानीय समाजसेवीहरूसँग पहिलो चरणको परिचयात्मक कार्यक्रम सम्पन्न गरेको छ।
सिनियर प्रहरी निरीक्षक बाबुराम कार्कीले कार्यालयमा सरुवा भएर आएपछि स्थानीय समुदायसँग समन्वयात्मक सम्बन्ध स्थापित गर्न र कार्यक्षेत्रभित्रको शान्ति सुरक्षालाई थप प्रभावकारी बनाउने उद्देश्यले कार्यक्रमको आयोजना गरेका हुन्।
कार्यक्रमका दौरान स्थानीय युवा पुस्तालाई लागुऔषधको चपेटाबाट बचाउन जनचेतनामूलक सन्देश पनि प्रदान गरिएको थियो। प्रहरी निरीक्षक कार्कीले समुदायको सहयोगबिना सामाजिक अपराध नियन्त्रण र शान्ति सुरक्षाको सुनिश्चितता सम्भव नहुने बताए।
कार्यक्रममा करिब तीन दर्जनभन्दा बढी प्रतिनिधिहरूको उपस्थिति रहेको थियो। सहभागीहरूले प्रहरीको यो कदमलाई स्वागत गर्दै स्थानीयस्तरमा यस प्रकारका सचेतनामूलक पहल आवश्यक रहेको धारणा व्यक्त गरे।
आयोजकका अनुसार यो पहिलो चरणको कार्यक्रम हो र आगामी दिनमा यसलाई थप व्यापक बनाउन पहल गरिनेछ।
Discussion about this post