लहानमा विद्यार्थी समस्यामाथि नगर प्रमुखको चासो, नयाँ कोर्स लागू”

लहान सिटी जेसिजले आयोजना गरेको विद्यार्थी संग नगरप्रमुख कार्यक्रममा उल्लेखनीय विद्यार्थीहरुको उपस्थिति रहेको आयोजक संस्थाको अध्यक्ष उमेश यादवले बताए।
उक्त कार्यक्रमको प्रमुख अतिथि बनेका लहान नगरपालिकाका नगर प्रमुख महेश प्रसाद चौधरीले प्रत्यक्ष रूपमा विद्यार्थीको समस्या बुझन कार्यक्रममा उपस्थित भएका थिए।

जे एस मुरारका बहुमुखी क्याम्पस बिकास समितिका अध्यक्ष समेत रहेका उनले शैक्षिक सुधार र भवन निर्माण र बाटो निर्माणको लागी पटकपटक बजेट दिने गरेको छ।
उक्त क्याम्पसमा गरिब दलित निम्न बर्गका र आर्थिक रुपले कमजोर रहेका विद्यार्थीहरु विशेष अध्ययन गर्ने गरेको एक तथ्यांकले देखिएका छन्।
क्याम्पसमा अध्ययनरत विद्यार्थी र प्राध्यापकहरुसंग नगर प्रमुख चौधरीले क्याम्पसमा देखिएको कमि कमजोरी बुझन कार्यक्रममा उपस्थित भएका थिए।
प्रमुख अतिथि चौधरीले आफू उक्त क्याम्पसको विद्यार्थी भएको कारण क्याम्पस प्रति विशेष माया रहेको भन्दै विद्यार्थीबाट आएको गुनासो र समस्या महिना दिन भित्र समाधान हुने प्रतिबद्धता व्यक्त गरेका थिए।
विद्यार्थीलाई स्व्च्छ खानेपानीको लागी चिसो तातो र छात्रा विद्यार्थीहरुको लागी १० कार्टुन स्यानेटरी प्याड समेत क्याम्पस प्रमुख संजय कुमार चौधरी र स्वभियु सभापति राम कृष्ण यादवलाई जिम्मा लगाएका हुन्।
विद्यार्थीहरु समस्यालाई आत्म सात गर्दै गुणस्तरीय शिक्षा प्रदान गर्ने बताए।उक्त कार्यक्रम आयोजक संस्थाको अध्यक्ष उमेश कुमार यादवको अध्यक्षतामा कार्यक्रम सम्पन्न भएको थियो।
उक्त कार्यक्रममा शिक्षा वृद्ध राकेश झा,बसन्त साह, नित्या नन्द साह,समाजसेवी शंकर प्रसाद गुप्ता, प्राध्यापक राज कुमार कर्ण एभरेस्ट कलेजका प्रीन्सिपल धर्नीधर अधिकारी पत्रकार एम महतो आशिष साह पत्रकार महेश सिंह लगायत विद्यार्थीहरुको उल्लेखनीय उपस्थिति रहेको जनाए।
प्रमुख अतिथि चौधरीका अनुसार गरिब दलितका विद्यार्थीले लहानमा नुन रोटी खाएर पनि उच्च शिक्षा हासिल गर्छ भनेर यो शैक्षिकसत्रबाट नयाँ कोर्स अथक प्रयास पछि समेत संचालनमा ल्याएको बताए।यस्ता कार्यक्रमको आयोजना लहान सिटी जेसिजले निरन्तर रूपमा गर्दै आएको देबन ठाकुरले जानकारी दिनु भयो ।